Pas konfirmimit të Marko Radasit sërish pjesë e Skënderbeut duket se dhe pjesa e pasigurtë e kampionëve të Shqipërisë do të ndjekin të njëjtin drejtim. Lojtarët që luhateshin për qëndrimin në Korçë ose jo (Vangjeli e Mici) qëndrojnë me ekipin edhe në këtë moment të vështirë. Vangjeli duket se ka rënë dakort me presidentin Takaj dhe ka filluar menjëherë stërvitjen.
Ndërsa mbrojtësi Mici nuk ka marrë lajme pozitive për transferim jashtë Shqipërisë dhe nëse situata mbetet këtu ku është, Mici do të qëndrojë sërish në Korçë. Një tjetër faktor që po ndikon në këto rikthime është dhe raporti miqësor që ekziston mes lojtarëve veteranë i cili i bën të ndihen lirshëm dhe më të bashkuar brenda skuadrës. Aq më tepër që dhe emërimi i një “ish”-i prej tyre Orges Shehi në rolin e trajnerit po ndikon në të mirën e klubit e skuadrës.
