Mesfushori i Lazio-s Felipe Anderson ka kaluar me sukses testet mjekësore në prag të transferimit te West Ham, sipas burimeve të Sky Sports. 25-vjeçari thuhet të ketë arritur akordin personal për një transferim në London Stadium dhe mbërritja e tij mund të konfirmohet brenda 48 deri 72 orëve.
West ham do të paguajë një shifër rekord për klubin 45 mln euro, e cila mund të shkojë në 55 milionë në varësi të paraqitjes së lojtarit.
Ai do të bëhet blerja e shtatë e trajnerit të ri Manuel Pellegrini pas mbërritjes së Andriy Yarmolenko, Jack Wilshere, Ryan Fredricks, Lukasz Fabianski, Fabian Balbuna dhe Issa Diop.
Anderson iu bashkua Lazio-s nga Santos më 2013 dhe ka shënuar 34 gola në 177 paraqitje.
Sky raporton se me ardhjen e Anderson, West Ham do ta lejojë Michail Antonio të largihet nga klubi. Crystal Palace është favorit për firmën e mesfushorit anësor.
