Shumë shpejt do të fillojë Liga e Kombeve në shtator dhe kombëtaret u duhet të rikthehen në fushë pas Botërorit. Islanda është nga ato ekipe që ka befasuar më shumë. Ajo nisi një rrugëtim historik dhe të paimagjinueshëm që nga Europiani i 2016-tës.
Megjithatë rrugët e islandezëve me trajnerin e tyre Heimir Hallgrimson do të ndahen. Ai ka dhënë dorëheqjen nga kombëtarja.
Trajneri largohet pas 7 vitesh drejtimi dhe një pune të jashtëzakonshme për një vend që numëron rreth 300 mijë banorë. Lajmi u bë i ditur nga Federata Islandeze e Futbollit.
