Ekipi i Dritës do të luajë mbëmjen e sotme ndeshjen e kthimit në Champions League përballë suedezëve të Malmos. Kampionët e Kosovës janë praktikisht përpara një misioni të pamundur, pas humbjes një javë më parë në Mitrovicë me rezultatin 3-0.
Megjithatë tifozët e ekipit kosovar duket se nuk do ta braktisin atë në këtë debutim në kupat e Europës. Ata pritet të jenë të shumtë në numër sot në stadium, e madje siç raporton “gazetasheshi” në Kosovë, në shkallët e impiantit pritet të shpaloset dhe një flamur i madh kuqezi, duke rezervuar kështu një atmosferë speciale.