Si pasojë e dëmtimit tragjik që pësoi në fund të sezonit të kaluar, që i kushtoi mungesën në finalen e Champions League dhe në Kupën e Botës 2018, mesfushori i Liverpool, Alex Oxlade-Chamberlain nuk do të luajë asnjë ndeshje gjatë sezonit të ardhshëm 2018-19.
Oxlade-Chamberlain pësoi një këputje në tre vende të ligamentit kryesor gjatë gjysmëfinales së Champions League dhe kurioz ishte fakti se ky ishte dëmtimi i vetëm ku çdo ligament i gjurit të djathtë ishte këputur, përshi ligamentin e kryqëzuar, ligamentin anësor, të mesëm dhe atë kolateral.
Pasi u krye operacioni, futbollisti nisi të kishte dhimbje në tendinë dhe në muskulin e pulpës, të cilat analizat treguan se e kishte tërhequr. Pikërisht ky varg i gjatë dëmtimesh, nga një episod i vetëm, një nga më të tmerrshmit në historinë e futbollit do të kërkojë rreth një vit riaftësim dhe Klopp nuk do ta ketë në dispozicion Chamberlain gjatë gjithë edicionit 2018-19.
