Drejtuesit e Partizanit kanë zhvilluar sot një mbledhje, ku kanë përcaktuar objektivat për pjesën e mbetur të sezonit.
Presidenti Gaz Demi ka konfirmuar stafin drejtues, me Lucciano Moggin që do të jetë përsëri këshilltari i tij, ndërsa Sulejman Starova do të vijojë punën si trajner.
Në mbledhjen e krerëve të klubit të kuq është diskutuar për disa lojtarë cilësorë që do të mbërrijnë në skuadër gjatë merkatos së janarit.
Partizani në pjesën e parë të sezonit u paraqit larg pritshmërive, duke mbetur shumë prapa Skënderbeut kryesues në garën për titull. Për këtë arsye objektivi ka ndryshuar dhe synimi i të kuqve është pjesëmarrja në Kupat e Europës.
