Portieri i përfaqësueses së Kosovës Sajmir Ujkani do të jetë nga sezoni i ri futbollisti i ekipit turk Ccaykur Rizespor, që sapo është ngjitur në elitën e futbollit turk. Lajmi është publikuar në faqen sportive turke “FutbolArena”.
Gardiani pritet të kryejë sot testet mjekësore dhe të hedhë firmën si lojtari më i ri i Rizesporit.
Ujkani i jep fund eksperiencës në Itali duke mbyllur një kapitull të gjatë prej 11 vitesh me Palermon, Genoan, Chievon, Pisan, Novaran dhe Cremonesen.
