Humbja me Sionin në miqësoren e luajtur në Zvicër i kushtoi shtrenjtë Interit, pasi pa t’i dëmtoheshin edhe dy prej futbollistëve, Radja Nainggolan dhe Yann Karamoh. Të dy futbollistët u janë nënshtruar menjëherë vizitave mjekësore dhe sot kanë dalë përgjigjet e ekzaminimeve, të cilat kanë përcaktuar edhe shkallën e dëmtimit.
Si Karamoh ashtu edhe Nainggolan kanë probleme muskulore dhe do të pushojnë përreth një javë, për t’u rikthyer më pas gradualisht në stërvitje.
Kështu lojtarët do të mungojnë në miqësoret që Interi do të luajë ndaj Zenitit nesër, Sheffield United më datë 24 dhe Chelseat më 28 Korrik.
