Yerry Mina do të largohet përfundimisht nga Barcelona. Paraqitjet pozitive në Kupën e Botës me Kolumbinë, nuk kanë mjaftuar që ai të veshë fanellën e katalunasve edhe për një sezon,
“Goal” ka njoftuar përmes burimeve të saj se Mina do të transferohet në Premierligë. Ai pritet të nënshkruajë me skuadrën e Evertonit që pritet të derdhë në arkat e Barcelonës 17 milionë euro.
Gerard Pique dhe Samuel Umtiti janë dy lojtarët titullarët e mbrojtjes blaugranase por me ardhjen e Clement Lenglet nga Sevilla shanset për kolumbianin janë shumë të pakta dhe ai pritet të largohet drejt një tjetër destinacioni.
Sezonin që lamë pas Mina nuk kishte shumë minuta në dispozicion. Kujtojmë që Yerry Mina shkëlqeu në Botëror duke shënuar 3 gola.
