Valencia ka bërë ofertë në vlerë prej 10 milionë eurosh për mesfushorin e Arsenalit, Francis Coquelin.
26-vjeçari ka mbetur jashtë planeve të Arsene Wenger duke startuar vetëm në një ndeshje këtë edicion.
Trajneri i Topçinjve preferon Aaron Ramseyn, Granit Xhakën dhe Jack Wilsheren në mesfushë, ashtu që Coquelin ka mbetur në bankën rezervë.
Prandaj e ardhmja e francezit pritet të jetë larg nga Emirates. Lajmin për interesimin e Los Che e publikoi të hënën Cadena Ser.
Ndërsa tash Cope Valencia bën të ditur se klubi spanjoll i ka ofruar mesfushorit ofensiv kontrata prej tre vjet e gjysmë.
(Foto: Getty Images)
Nga ana tjetër, oferta për Arsenalin është 10 milionë euro (që mund të shkojë deri në 12 milionë euro me anë të bonuseve, varësisht nga paraqitjet e lojtarit).
Për shërbimet e Coquelin ka klube të interesuara edhe në Ligën Premier, njëri prej tyre është West Ham Unitedi.
