Tirana po vijon prej ditësh përgatitjet për sezonin e ri që i gjen bardheblutë të rikthyer në Superligë. Ekipi po qendron i grumbulluar në një nga hotelet e kryeqytetit ndërkohë që krahas seancave stërvitore 24-herë kampionët e vendit do të zhvillojnë dhe tre ndeshje miqësore.
Kalendari i publikuar nga vetë klubi përcakton një test me Apoloninë më datë 25 korrik (nesër) në orën 17:00, ndërkohë që dy sfidat e tjera do të jenë ndaj ekipeve nga Kosova të Flamurtarit dhe Prishtinës respektivisht në datat 29 korrik dhe 5 gusht. Të tre ndeshjet do të zhvillohen në stadiumin “Selman Stermasi” në kryeqytet.
