Kombëtarja shqiptare e moshës U-15 e drejtuar nga trajneri Eqerem Memushaj është mundur edhe në miqësoren e dytë të zhvilluar ndaj përfaqësueses të Kroacisë U-15. Takimi u mbyll në shifrat 3-1 për vendasit.
Golin e vetëm për kuqezinjtë e vegjël e shënoi futbollisti, Brajan Begotaraj në fraksionin e dytë të lojës. Ndeshja filloi 30 minuta më herët nga orari që ishte përcaktuar, për shkak të temperaturave të larta. Edhe sfidën e realizuar pak ditë më parë (23 korrik ora 18:00 në Dua Resa) e kanë fituar vendasit me rezultatin minimal 1-0.
Tekniku Memushaj për këto takime kishte të grumbulluar 22 futbollistë, të datëlindjes 2004 dhe 2005. Këto miqësore do t’i shërbejnë për të njohur më mirë lojtarët që do të afrojë për të ndërtuar grupin e tij për ndeshjet zyrtare.
