Inter vazhdon të jetë në kërkim të një mbrojtësi të djathtë. Javën e ardhshme, Piero Ausilio ka afatin e fundit për t’i dhënë një futbollist të tillë trajnerit Luciano Spalleti.
Në “pole position”, prej disa javësh është Sime Vrsaljko, por pengesa më e madhe përfaqësohet nga Atletico Madrid, që kërkon 25 milionë euro. Inter nuk ofron më shumë se 20 milionë euro. Alernativa është Zappacosta i Chelsea.
Për më tepër zikaltërit kërkojnë një formulë që nuk pëlqehet shumë nga spanjollët, atë të huazimit me të drejtë blerje në fund të sezonit. Në këtë fundjavë është i parashikuar edhe takimi i fundit mes drejtuesve të Inter dhe madrilenëve.
Nëse marrëveshja do të dështojë atëherë Inter do të nisë të bisedojë me Chelsea për të marrë Zappacosta. Mundësia më e mirë për të marrë ish-mbrojtësin e Torino, do të jetë miqësorja mes dy klubeve, të shtunën e ardhshme në Nice.
