Roma vazhdon të lëvizë me forcë në merkato. Pas goditjes nga Barcelona, që i rrëmbeu në minutat e fundit Malcom dhe sulmit të Crystal Palace e Everton për Gonalons, verdhekuqtë janë detyruar të ndryshojnë strategjitë në merkato.
Në rast të një largimi të Gonalons, drejtori sportiv, Monchi do të synojë Steven N’Zonzi të Sevillas, i cili ka një klauzolë largimi prej 35 milionë eurosh.
Një tjetër alternativë për drejtuesit e klubit nga “Trigoria” është edhe talenti i Lyon, Tanguy Ndombele, që vlerësohet 25 milionë euro.
