Laçi do të luajë pasditen e sotme në transfertë ndeshjen e parë të turit të dytë të Europa League kundër Molde. Takimi i parë mes dy skuadrave do të luhet në fushën e norvegjezëve.
Kjo sfidë do të fillojë në orën 19:00 dhe tashmë të dy ekipet i kanë publikuar formacionet zyrtare. Trajneri i kurbinasve, Besnik Prenga, ka vendosur një rreshtim me 5 lojtarë në mbrojtje, ku i huazuari Radas i bashkohet në qendër Gjonit e Hoxhallarit, me Shtubinën e Sefgjinajn nga krahët.
Ndërkohë, përpara do të rreshtohen 3 lojtarë në mesfushë, ndërsa Uzuni e Kendes do të formojnë dyshen e sulmit.
