Ende pa filluar kampionati Partizani largon lojtarin që vetëm disa javë më parë veshi fanellën e kuqe. Bëhet fjalë për sulmuesin, Stefan Nikoliç, i cili që nga dita e sotme nuk do të jetë më një lojtar i Partizanit. Lajmi është bërë i ditur nga vetë “klubi i kuq”, ku thuhet se me marrëveshje është prishur marrëveshja me lojtarin malazaez.
“ZYRTARE. Klubi njofton mbylljen e bashkëpunimit me Stefan Nikoliç. Sulmuesi 28 vjeçar dhe klubi kanë vendosur të ndërpresin me mirëkuptim marrëveshjen mes palëve, duke i dhënë mundësi lojtarit nga Mali i Zi të jetë i lirë. Nikoliç ishte pjesë e skuadrës në dy përballjet e Europa League që ekipi zhvilloi ndaj sllovenëve të Maribor.
Klubi i uron njëkohësisht Stefan Nikoliç suksese në karrierën e tij sportive”, shkruhet në njoftimin e Partizanit në facebook.
Në këtë njoftim në rrjetet sociale, Partizani nuk ka bërë me dije se cilat ishin shkaqet e këtij largim, kur lojtari u afrua vetëm në fillim të këtij muaji. Me këtë largim, tek Partizani i hapet rruga afrimin të talentit shkodran, Hebaj që po përflitet prej disa ditës në mediet sportive vendase.
