Vazhdojnë negociatat për shkëmbimin Bonuçi-Kaldara. Juventusi nuk po “tundet” lehtë për të lëshuar mbrojtësin e ri për një rikthim të Bonuçit. Ata e vlerësojnë shumë Kaldaran por do të donin edhe sigurinë që ofron kapiteni aktual i Milanit.
Sipas asaj që raporton “Gazzetta dello Sport” duket se palët po shkojnë drejt një vlerësimi të përafërt kartonash. Kaldara vlerësohet diçka më shumë se 30 milionë euro.
Nga ana tjetër Milani e vlerëson Bonuçin diçka më pak se 35 milionë euro, për shkak edhe të moshës. Pati negociata deri natën e mbrëmshme vonë, dhe ato pritet të vazhdojnë edhe në orët në vazhdim.
