Mbrojtësi senegalez i Bordosë, Youssouf Sabaly nuk ia ka dalë të kalojë me sukses testet mjekësore te Napoli në Itali, duke bërë që transferimi të dështojë.
Sabaly ka shfaqur një problem në gjurin e djathtë dhe pas ekzaminimeve nga mjekët italianë, napolitanët vendosën të heqin dorë nga blerja e tij, ndonëse kishin arritur akordin me Bordonë.
Tani drejtuesit e klubit italian janë rikthyer sërish te mbrojtësi kolumbian i PSV-së, Santiago Arias, i cili është edhe i preferuari i presidentit De Laurentiis.
Problemi i vetëm me mbrojtësin kolumbian, është fakti që ai është ekstra-komunitar dhe do të zinte vendin që napolitanët e kanë ruajtur për të marrë nga Standard Liezhi, portierin meksikan Ochoa.
