Ardhja e Cristiano Ronaldos ka rritur në maksimum entuziazmin te tifozët dhe drejtuesit e Juventusit, por këta të fundit tani kanë një tjetër mision, atë të shitjeve.
Një nga emrat që edhe mund të sakrifikohen është nënkampioni i botës, Mario Mandzukiç, i cili ka shumë admirues në Europë. Sevilla është një prej tyre dhe ka ndërmend të bëjë një ofertë konkrete nëse merr një sinjal që lojtari është në merkato, sepse për momentin është Higuain i pari në listë për t’u larguar.
Andaluzët duhet të presin rikthimin e Mandzukiçit nga pushimet për të kuptuar nëse ky operacion mund të shkojë deri në fund.
