Leonardo është duke punuar fort që nga emërimi i tij si Drejtori i ri sportiv i Kuqezinjve dhe sot është takuar me agjentin e Bernard në Casa Milan. Takimi tani ka përfunduar dhe Leonardo është larguar nga Casa Milan teksa ka një tjetër takim me agjentin e Gonzalo Higuain dhe mbase edhe me Juventus.
Milan nuk është klubi i vetëm që ka treguar interes për Bernard teksa edhe Chelsea i Maurizio Sarri-t gjithashtu ka dëshirë të bëjë të tijin sulmuesin brazilian.
Sipas Gazzetta dello Sport, takimi mes agjentit të Bernard dhe Milan ka shkuar mirë teksa thuhet se braziliani preferon t’i bashkohet Milan-it në vend të Chelsea-t.
Leonardo te Milan është një plus i madh teksa ai ka një marrëdhënie të mirë me përfaqësuesit e lojtarit. Mbetet për t’u diskutuar rroga e tij por të paktën ai ka zgjedhur që do të luajë në Serie A.
