Ditët e fundit në Itali kanë qarkullar zera të shumtë për një kalim të mundshëm të Gonzalo Higuan te Milani. Edhe pse pistat kanë qenë të shumta, mediat italiane zbulojnë formulën e re që kuqezinjtë iu kanë ofruar drejtuesve të “Zonjës së Vjetër”.
Mësohet se Milan ka kërkuar arritjen e një marrëveshjeje për huazimin e Higuanit për një vit, duke paguar fillimisht 20 milionë euro dhe 35 milionë euro të tjera në rast blerje të kartonit në fund të sezonit.
Këto detaje i ka zbuluar i vëllai i sulmuesit për mediat italiane. Ai ka hedhur poshtë pistën për një kalim të mundshëm të sulmuesit te Chelsea dhe konfirmuar ndezjen e dritës jeshile për Milanin. Pritet që orët e ardhshme të ketë një vendim përfundimtar, pasi gjithçka mbetet në dorë të kampionëve të Italisë cilët do të thonë fjalën e fundit.
