Sigurisht që me Interin që “Suning” po ndërton sivjet, baza e fortë dhe pika e referimit të skuadrës mbetet kapiteni Mauro Ikardi, por sigurisht që çështja e kontratës së argjentinasit është një problem që duhet zgjidhur sa më shpejt.
Duke parë faktin se Reali i Madridit është në kërkim të dëshpëruar për të gjetur një sulmues, i cili do të zëvendësojë Kristiano Ronaldon, Ikardi është një prej favoritëve, por 5.4 milionë eurot aktuale që ai fiton aktualisht nga kontrata me zikaltrit janë shumë pak për një futbollist të nivelit të tij, ndaj bashkëshortja dhe njëkohësisht menaxherja e tij, Vanda Nara, është rikthyer sërish në sulm ndaj Interit.
