Tashmë dihet që mbrojtësi i kombëtares sonë Elseid Hysaj do të qëndrojë në Napoli. 24-vjeçari u përfol se do t’i bashkohej ish-teknikut të “Partenopei” Maurizio Sarri, por drejtuesit napolitanë reaguan në kohë për të bllokuar shitjen e mbrojtësit të djathtë te Chelsea.
Për të shpjeguar situatën ka folur vetë menaxheri i Hysaj Mario Giufreddi. Ai ka folur për disa media në Itali ku ka theksuar se ” Të Kaltrit” nuk e pranonin largimin e tij pasi konsiderohe shumë i vlefshëm për klubin dhe teknikun Ancelotti.
Ende nuk është firmosur marrëveshja që do ta mbajë Hysajn në “San Paolo”, por menaxheri italian është shprehur i gatshëm të nisë bisedimet me klubin italian.
