Futbollisti i Barcelonës Gerard Pique i la me gojë hapur tifozët e Barcelonës, të cilët po prisnin në hyrje të qendrës stërvitore “Ciudat Esportiva”, ndërsa ai mbërriti aty me biçikletë sportive. Drejtuesit e klubit u shqetësuan së tepërmi kur videoja u publikua, pasi aty shfaqej një Pique që pedalonte i shpenguar, pa kaskë dhe me shpejtësi. Për më tepër që ai as nuk mbante kokore, e për drejtuesit e tifozët, kjo është diçka e patolerueshme.
Një rrëzim i keq apo përplasje mund t’i shkaktonte futbollistit dëmtime serioze, e për këtë arsye në klub janë mjaft të shqetësuar dhe i kanë kërkuar futbollistit që gjëra të tillë mos t’i përsërisë më.
Ndoshta Pique ka qenë i frymëzuar nga kënga “La Bicicleta” e bashkëshortes së tij Shakira me Carlos Vive. Por kjo papërgjegjshmëri nuk mund të kalojë pa u vënë re dhe drejtuesit duan që ai të shmangë përdorimin e biçikletës së tij elektronike sa më shumë të jetë e mundur.
