“The Sun” ka zbuluar një prapaskenë të pabesueshme: Manchester United dhe Man City i kanë thënë jo mundësisë për të marrë Vidal muajin e kaluar, sepse nuk kishin besim te gjendja e gjurit të mesfushorit kilian: mosha dhe dëmtimi kanë luajtur një rol në vendimin e marrë nga dy klubet e Mançesterit.
Të besosh është mirë, të mos kesh besim akoma më mirë. Kjo duket se ka qenë filozofia e ndjekur në Angli, por mesa duket edhe në Spanjë, me stafin mjekësor të Barcelona-s, skuadra që a siguruar shërbimet e kilianit, që do të tregojë një kujdes të veçantë ndaj gjurit të tij.
Në fakt, zyrtarizimi i lojtarit është shtyrë në pritje të vizitave mjekësore. Vetëm pasi t’i ketë kaluar këto, Vidal do të mund të quhet një lojtar i ri i Barcelona-s.
