Valon Behrami është tërhequr nga Kombëtarja e Zvicrës, duke mbyllur kështu karrierën e tij me përfaqësuesen helvete.
Lajmi është bërë i ditur nga vetë futbollisti me një postim në profilet e tij në rrjetet sociale, duke bërë të ditur këtë vendim të tij. Zvicra humbet kështu një nga lojtarët më të rëndësishëm të saj në dekadën e fundit, me lojtarin shqiptar me origjinë nga Kosova që regjistron plot 83 ndeshje dhe 2 gola të realizuara me kombëtaren helvetike.
Behrami ishte ndër të parët lojtarë të asaj që do të përbënte më vonë “koloninë” shqiptare të Zvicrës, që u plotësua më pas nga Xhaka, Shaqiri dhe Xhemaili. Mesfushori nga Mitrovica aktualisht luan me Udinesen në Serinë A italiane.
