Joe Hart është portieri i ri i skuadrës së Burnley, ekipi surprizë i sezonit të kaluar, që do të luajë edhe në Europa League sezonin e ri 2018-2019. Lajmin e kanë konfirmuar të dyja klubet përmes mesazheve në rrjetet sociale, që zyrtarizojnë këtë transferim të portierit 31-vjeçar. Joe Hart largohet kështu nga Manchester City pas 12 sezonesh edhe pse në dy të fundit ka luajtur në formë huazimi, fillimisht te Torino e më pas tek West Ham.
Burnley ka paguar 4 milionë euro për të marrë ish-portierin e kombëtares angleze (kontratë 2-vjeçare me të drejtë rinovimi edhe një vit), por që vitet e fundit ka humbur fanellën e “3 luanëve”, madje nuk u thirr në kombëtare në Botërorin “Rusi 2018”. Te skuadra e Burnley janë edhe portierët Nick Pope e Tom Heaton, por të dy janë të dëmtuar, ndaj Joe Hart pritet të jetë titullar në javën e parë të Premier League.
BREAKING: Burnley Football Club is delighted to announce the signing of England international Joe Hart on an initial two-year deal. More to follow. pic.twitter.com/bkyAuXKlMS
— Burnley FC (@BurnleyOfficial) August 7, 2018
