Neymar qëndron tek PSG. Braziliani tashmë e tha qartë që është i lumtur në Paris dhe aspiron fitimin e Champions League me ekipin e trajnuar nga Thomas Tuchel. Për ta arritur këtë objektiv, ‘Ney’ kërkon më të mirët për krah tij.
Mes figurave të tij të dëshiruara është një yll i Barcelonës. Neymar tashmë ia ka bërë të qartë klubit të PSG se do të ishte i lumtur ta kishte Rakitic në ekipin e tij.
‘Ney’ e di që kroati është në dyshim pas afrimeve që Barcelona ka bërë për mesfushën dhe me ardhjen e mundshme të Pogba, tani është momenti për ta kërkuar.
Neymar dhe Rakitic kanë një marrëdhënie shumë të mirë dhe braziliani është i bindur që kroati do ti jepte më shumë cilësi skuadrës në Champions League.
PSG nuk e përjashton nisjen e negociatave për Rakitic. Barcelona nuk ka ndërmend ta shesë, por situata do të ndryshonte nëse ish-lojtari i Sevilla-s do të kërkonte largimin.
