Ish-mbrojtësi i skuadrës italiane dhe Lacios, Alesandro Nesta, është shprehur në media se dëshironte të luante përjetë me skuadrën e Lacios.
“Jeta ime ishte Lacio, doja të luaja përjetë aty, por më detyruan të hiqja dorë nga shiriti i kapitenit dhe kështu m’u desh t’u largoja nga skuadra”, u shpreh lojtari. Mbrojtësi u aktivizua te Milani pas largimit nga skuadra e kaltër. Nesta cilësohet si një nga mbrojtësit më të mirë në botë që ka luajtur ndonjëherë me Italinë. Te Milani ai formoi një dyshe të frikshme së bashku me Jap Stam.