Te Juventusi e kërkon Ronaldo, te Reali presidenti Perez e do me çdo kusht, ndërsa te Milani e ëndërrojnë. Dhe, janë pikërisht tifozët e “djallit”, që sot kanë nisur të ëndërrojnë. Leonardo duket se po punon për të përgatitur një ofertë të bujshme për Milinkoviç-Saviç, edhe pse ka pranuar se Milani e ka shumë të vështirë.
Dhe tifozët kanë nisur të ëndërrojnë, pikërisht prej disa fotove. Ditën e pushimit, Alesio Romanjoli, mbrojtësi tashmë kapiten i Milanit, po e kalon në Palmarola,, një ishull i vogël në arkipelagun e ishujve Ponziane, në perëndim të Romës. Por, e veçanta qëndron se edhe Milinkoviç-Saviç ka postuar foto në Instagram nga i njëjti vend. Ndoshta të dy, nga e njëjta varkë.