Kampionati nis të premten me superndeshjen Skënderbeu-Partizani në Korçë. Nuk është thjeshtë një 90 minutësh, por diçka më shumë se kaq. Partizani kërkon që ta nisë me këmbën e mbarë këtë sezon, e ku ka më mirë se një fitore në Korçë.
Megjithatë, të gjithë e dinë se “ujqërit” janë skuadra për t’u mundur. Pavarsishtë problemeve kohët e fundit, kjo nuk i ndal kampionët që të jenë të “frikshëm” si gjithmonë. Diçka e tillë u vërtetua në finalen e Superkupës përballë Laçit, ku kurbinasit arritën të kalojnë në avantazh në pjesën e dytë, por brenda pak minutash e panë veten në dy gola disavantazh.
Sezoni 2018-2019-të është në prag dhe deri në fund do të shohim spektakël të vërtetë, pasi Partizani, Flamurtari, Kukësi apo edhe Tirana kërkojnë që dalin kampion, por më parë duhet të bëjnë llogaritë me “Ujqërit e Dëborës”.
