Jose Mourinho ka thënë se do të jetë “vërtetë e vështirë” për Manchester Unitedin që të përfundojë në katërshe këtë sezon në Ligën Premier.
Skuadra nga Old Trafford përfundoi në vendin e dytë, pas Manchester Cityt në Ligën Premier sezonin e kaluar dhe nuk kanë fituar titullin që kur menaxheri legjendar Sir Alex Ferguson u largua në vitin 2013.
Portugezi ka ulur shanset e tij për të rivalizuar me skuadrën e Pep Guardiolas gjatë 10 muajve të ardhshëm dhe pretendon se do të jetë një arritje e rëndësishme edhe për të siguruar një vend që i dërgon në garën më të lartë të klubeve në Evropë.
“Ne do të përpiqemi, por është një punë shumë e vështirë para nesh, sepse vendi i dytë ishte me të vërtetë i vështirë dhe këtë sezon do të jetë vërtet e vështirë për të gjithë që të përfundojnë në katër vendet e para”, ka thënë fillimisht Mourinho për Sky Sports kur u pyet nëse Djajtë e Kuq mund të përfundojnë të parët.
“Liverpooli po përpiqet të fitojë titullin me investimin e tyre të mahnitshëm”.
“Chelsea ka një skuadër fantastike, Manchester City ka gjithashtu një skuadër fantastike, Tottenham bëri një investim të pabesueshëm duke mbajtur lojtarët e tyre, ky është investimi më i mirë që mund të bëni”.
“Ata mund të shpenzonin 200 milionë funte, por nëse humbin Harry Kane ose Christian Eriksen… investimi më i madh ishte mbajtja e të gjithë lojtarëve më të mirë”.
“Arsenali do të jetë më i mirë edhe pse ata humbën ndeshjen e parë. Mendoj se do të jetë një sezon shumë i vështirë”, përfundoi trajneri portugez.
