Periudha e merkatos në Itali sapo ka përfunduar, por në disa vende të tjera, si Spanja dhe Gjermania, merkatoja vazhdon ende. Për këtë arsye, diskutimi i shitjeve te kuqezinjtë vazhdon të jetë i hapur, me Leonardo-n dhe Maldini-n që janë të gatshëm të largojnë lojtarët e tepërt te skuadra që drejtohet nga Gattuso.
Sipas Tuttosport, në listën e largimeve nuk bën pjesë Ricardo Rodriguez. Mbrojtësi zviceran i lindur në vitin 1990, që projektohet si titullar në krahun e majtë të mbrojtjes, ka admirues në Bundesligë, por vendimi për të mos e larguar është tashmë zyrtar: problemet e fundit kardiake të Strinic, në fakt, e kanë detyruar Gattuso-n që ti besojë sërish Rodriguez-it. Në këtë mënyrë zvicerani do të diskutojë një vend në formacion me të sapoardhurin Laxalt.
