Edhe pse u soll si goditja më e bujshme në merkaton e Realit të Madridit, Thibaut Courtois i duhet ende kohë që të zërë vendin e titullarit. Sipas gazetës së njohur spanjolle “Marca”, portieri belg nuk do të jetë në fushë sonte në ndeshjen e parë të madrilenëve këtë sezon në kampionatin spanjoll ndaj Getafes.
Tekniku Lopetegui me shumë gjasa do t’i besojë kostarikanit Keylor Navas, i cili ka qenë titullar i padiskutueshëm në tre vitet e fundit. Ish-trajneri i Spanjës deklaroi se ardhja e Courtois është një gjë e mirë për skuadrën pasi rrit konkurencën brenda grupit.
Madrilenët duan të lënë pas humbjen e kësaj jave në Superkupën e Europës ndaj Atletico Madridit dhe të nisin me këmbën e mbarë fushatën e 2018/2019.