Mançester Siti nuk ka të ndalur. Skuadra e Guardiolës shpartalloi Hudersfilldin me rezultatin 6-1 në takimin e dytë të Premier Ligës. Ishte Serxhio Aguero njeriu i ndeshjes për kampionët në fuqi. Argjentinasi shënoi tripletë dhe i siguroi fitoren qytetarëve. Golin e parë sulmuesi e shënoi pas një topi të gjatë të dhënë nga portieri Ederson.
Gabriel Zhezus dhe David Silva ishin autorët e golave të tjerë, ndërsa goli i gjashtë u shënua nga Kongolo në portën e tij.
Me fitoren e sotme, “qytetarët” kryesojnë renditjen me pikë të plota dhe me një golavarazh +7. Sfidën e radhës Mançester Siti do ta luajë në transfertë ndaj Volvesit.
