Odise Roshi do të mungojë minimalisht për 6 muaj nga fushat e lojës. Lajmi është konfirmuar nga vetë klubi rus i Akhmat Grozny, sipas së cilit dëmtimi për mesfushorin shqiptar në ligamentet e gjurit është i rëndë dhe do të nevojitet operacioni.
Dëmtimi ndodhi në sfidën ndaj Rubin Kazan, me Roshin që ka këputur ligamentet e gjurit të djathtë, një dëmtim të ngjashëm me atë që pësoi edhe Armando Sadiku në Spanjë te Levante. 27-vjeçari do të operohet ditën e hënë në një klinikë të specializuar në Romë, e do të nis më pas rekuperimin e gjatë, duke humbur plotësisht ndeshjet e para të Kombëtares kuqezi në Ligën e Kombeve.
