Real Madrid deri më tani nuk ka bërë ndonjë blerje të bujshme, duke qenë se pak kohë më parë është larguar Cristiano Ronaldo drejt Juventusit. Sikurse raporton “The Guardian” madrilenët po mendojnë për të rikthyer në ekip James Rodrigez, duke paguar për Bayern Munchen 35 milion euro, pasi një vit huazim në Gjermani ka përfunduar.
Ende nuk ka diçka zyrtare, por kolumbiani shihet si lojtari i duhur për të marrë më shumë përgjegjësi në skuadër, pasi sezoni është i gjatë dhe eksperienca e mesfushorit do i ndihmonte shumë kampionët e Europës.
