Anglezët, sidomos kur flitet për futboll, kanë mendime që shpesh herë dalin kundër rrymës. Premier League është kampionati më i bukur, më i pasur, më me ritëm dhe ai me tifozët më të zjarrtë në botë. Kjo është e vërtetë, por jo detyrimisht të gjitha elozhet duhet të shkojnë për ta.
UEFA e vlerësoi golin e shënuar nga Cristiano Ronaldo, me roveshatë kundër Juventus.
Gary Lineker, ish-sulmuesi i njohur i Anglisë, aktualisht opinionist televiziv mendon se nuk ishte goli i shënuar nga “CR7”, më i bukuri i sezonit të kaluar. Sipas Lineker, goli më i bukur ka qenë ai i shënuar nga Gareth Bale në finalen e Champions League kundër Juventus, edhe ai me roveshatë.
Linker mendon se ekzekutimi i këtyre golave ishte i ngjashëm, por faktikisht duhet vlerësuar më shumë nga rëndësia e ndeshjes.
Këtë e tregon me mesazhin: “Për sa kohë ishte një gol i bukur, unë mendoj se nuk kishte asgjë më shumë se goli i Bale në finale.”
