Marco Materazzi mendon se lojtarët e Inter duhet të kuptojnë që janë një grup me shumë kualitet. Inter ka bërë një merkato të madhe gjatë verës duke afruar shumë emra të rinj dhe do të rikthehet në Champions League ku do të ndeshet me Barcelona, Tottenham dhe PSV.
“Skuadra e Spalletti-t duhet ta kuptojë se sa e mirë është,” shprehet Materazzi, i cili ka fituar tripletën më 2010, për Gazzetta dello Sport.
“Duhet të kuptojë se skuadrat e tjera nuk kanë asgjë më shumë se ne. Nainggolan është forca shtytëse dhe gjithmonë luan mirë. Ai këtë e tregoi edhe ndaj Bologna-s.
“De Vrij, si unë, është më mirë në një mbrojtje me tre. Skriniar? Vitin e kaluar ai konfirmoi talentin, tani duhet të sillet si një lider. Duhet të rrezikojë më shumë.”
