Ditët e fundit është raportuar se Milani ka nisur ofensivën për të transferuar sulmuesin e Romës, Edin Dzeko.
Sulmuesi boshnjak po kalon periudhë mjaft të mirë në Serie A, duke qenë golashënuesi kryesor me skuadrën e Romës.
Milani ka shpenzuar plot 65 milionë euro për sulmin por duket se këto shpenzime nuk kanë sjellë rezultatin që pritej dhe sulmuesit e rinj kanë mbetur në hije duke zhgënjyer me performancat e tyre. Kjo ka bër që ‘Djalli’ të mendojë transferimin e sulmuesit të Romës në San Siro.
Ditën e sotme është raportuar se Dzeko ka refuzuar kategorikisht kalimin tek Milani duke theksuar qëndrimin tek Roma.
Tratativa duket e vështirë për dyshen Mirabelli-Fassone për ta sjellë në Milano gjatë merkatos së janarit, por deri në muajt e ardhshëm situata mund të ndryshojë, duke parë ecurinë e kuqezinjve në kampionat dhe arritjen e objektivit të zonës Champions. /AlpeNews.al/
