Rusia është goditur rëndë vitet e fundit nga dënimet për përdorimin e substancave të ndaluara doping në atletikë. Por rasti i fundit përbën një skandal të vërtetë për futbollin rus sidomos për ekipin përfaqësues. Mesfushori i Valencias Denis Cheryshev është përmendur nga babai i tij Dimitri në një intervistë se i biri ka përdorur hormone për rritjen e muskujve përpara nisjes së Kupës së Botës.
27-vjeçari shkëlqu në Kupën e Botës përpara publikut të tij duke shënuar plot 4 herë në 5 ndeshje. Deklarata ka bërë që të nisë hetim nga Agjensia Spanjolle Anti-Dopingut. Më pas do të veprojë dhe Agjensia Botërore e Anti-Dopingut 9 (WADA). Hormonet që sjellin rritjen e muskujve nuk konsiderohen doping në listën e medikamenteve të ndaluara nga WADA, por nëse merret në kushte të panevojshme kjo përbën shkelje.
Nëse pretendimet vërtetohen, Cheryshev rrezikon të përjashtohet nga futbolli për 4 vite. Federata Ruse e Futbollit pretendon se lojtari ka marrë nëpërmjet injeksioni “platelet-rich plasma” (PRP), që njihet si faktor që sjell rritje të muskujve. Kjo substancë nuk e konsiderohet një substancë e ndaluar nga FRF.