Sipas asaj që raportojnë mediat italiane rinovimi i Hysajt me Napolin është në dyshim. Shqiptari pati oferta të rëndësishme gjatë verës, ku Çelsi e kishte vendosur ne krye të dëshirave, por Sarri nuk arriti ta merrte me vete.
Nga Londra kishte ardhur një ofertë që i siguronte 4 milionë euro në sezon, por ai vendosi të qëndronte me kusht që paga e tij të rishikohej. Menaxheri i tij, Mario Xhuifredi, në marrëveshjen e re kërkon të paktën 3 milionë euro në sezon nga Napoli.
Hysaj përfiton aktualisht 1.6 milionë euro në sezon. Nga ajo që raportohet, shqiptari do të presë deri në dhjetor, në të kundërt marrëveshja është e destinuar të dështojë.