Vinicius Juniori u transferua te “Los Blancos” këtë afat kalimtar nga Flamengo për 45 milionë euro. Pasi që braziliani është 18-vjeçar, drejtuesit e klubit kanë vendosur që për momentin ai të luajë për Real Madrid Castillan.
Ai po shkëlqen me formën e tij me skuadrën e dytë të madrilenëve. Viniciusi ka shënuar një supergol nga gjuajtja e lirë sot kundër Unionistas CF. Rezultati momental është 3-0 për Real Madrid Castillan.
Braziliani i talentuar në tre paraqitje deri më tani i ka shënuar tre gola, duke e llogaritur edhe këtë të sotmin.
Ai ka arritur t’i bëjë përshtypje tifozëve të Real Madridi gjatë këtyre ndeshjeve në të cilat ka luajtur për Castillan, dhe nuk dëshirojnë që ta humbasin atë, pasi në fillim lojtari nuk ka qenë i kënaqur me vendimin për të luajtur për skuadrën e dytë të Realit.
