Kur mendohej se më në fund po fitonte kohën e humbur, Ergys Kaçe detyrohet sërish të mos luajë. Mesfushori 25-vjeçar që zhvilloi takimin e parë të plotë me Panathinaikosin këtë sezon ka marrë dëmtim në ndeshjen e fundit me AEL Larissan.
Lojtari ka dëmtuar kaviljen e majtë dhe rrezikon të mungojë për një kohë të pacaktuar. Megjithatë sot pritet që të saktësohet afati i rikuperimit të tij. Ai u grumbullua për ndeshjen e fundit të Ligës së Kombeve me Skocinë, por tekniku Panucci nuk i dha minuta futbollistit të Panathinaikosit.
Kaçe realizoi një paraqitje mbresëlënëse në javën e fundit të kampionati grek, por tani duhet të fitojë betejën me trupin e tij.
