Borussia Dortmund me shumë vështirësi ia doli të merrte një barazim në transfertën e Hoffenheimit. Verdhezinjve iu desh ta mbyllnin sfidën me 10 lojtarë, pas daljes me karton të kuq të Diallo. Një pjesë e parë e dominuar totalisht nga ana e Dortmundit, që në disa momente i shkoi pranë golit të epërsisë, por në metrat e fundit skuadrës i mungoi saktësia, element të cilin e pati Hoffenheimi. Skuadra mike në fundin e pjesës së parë mundi të realizonte golin qw zhbllokoi sfidën me anë të Joelinton.
Në fraksionin e dytë situata u shfaq e njëjtë. Verdhezinjtë ishin më kërkues dhe më dominantë, ndërsa në krahun tjetër vendësit u munduan të tregoheshin të kujdesshëm në prapavijë. Situata përkeqësohet për Dortmundin, pasi Diallo ndëshkohet me karton të kuq, duke lënë të tijtë në inferioritet numerik. Gjithsesi, Dortmund nuk u dorëzua, pavarësisht faktit se ishte me një lojtar më pak. Në të 84-ën, Pulisic ia doli të barazonte shifrat. Për të dytën ndeshje radhazi Hoffenheimi nuk arrin dot të gjejë suksesin, teksa verdhezinjtë sërish nuk e njohin humbjen dhe pas javës së 4-t.
Në takimet e tjera u arritën këto rezultate:
Augsburg – Werder Bremen 2-3
Hertha Berlin – B. Monchengladbach 4-2
Nurnberg – Hannover 2-0
Wolfsburg – Freiburg 1-3
