Marek Hamsik beson se Napoli meriton të fitojë Serie A këtë sezon pasi kjo është edhe dëshira e gjithë atyre që e duan futbollin.
Napolitanët prijnë në kampionatin elitar italian me një pikë më shumë se Juventusi dhe kanë shanse të mira që të vazhdojnë me ecurinë e mirë dhe në fund të shpallen kampion.
“Ëndrra ime? Ajo quhet Scudetto”, ka thënë sllovaku për Corriere dello Sport.
“Nuk është vetëm ëndrra ime, por edhe e tifozëve, De Laurentiis dhe bashkëlojtarëve”.
“Mendoj se është edhe dëshira e tifozëve që duan futbollin, sepse në luajmë mrekullueshëm, futboll të bukur dhe mendoj se e meritojmë”, shtoi Hamsik.
Ndeshja e ardhshme e Napolit është ndaj Atalantas, ndërsa në pesë javët e fundit ka katër fitore dhe një barazim .
Hamsik këtë sezon ka shënuar katër gola dhe ka dhuruar një asistim.
