Trajneri i Laçit, Artan Mërgjyshi, pas fitores në transfertë me ekipin e Kamzës, në intervistën për Supersport, deklaroi:
Lojë e kujdesshme, dhe shënuat në fund…
E kishim përgatitur me kujdes këtë ndeshje, pasi vinim nga barazime. Duhej të kompesonim ato pikë. Pjesën e parë nuk rrezikuam shumë, lamë dhe kundërshtarin të luante me topin. Goli në fund ishte një dhuratë, por edhe i merituar. Pasi vepruam me kujdes gjithë ndeshjen. Morëm maksimumin, dhe i uroj djemtë për këtë lojë ditën e sotme.
Duhej të besoni pak më shumë te të rinjtë?
E vërtetë, lojtarët e rinj kanë shumë energji. Skuadra ishte më e shpejtë në daljet përpara. Kur kemi momentin, duhet ta mbajmë e të ecim përpara. Hadroj e Smaçi dhanë sinjale të mira sot. Këto janë mundësitë, dhe jam i kënaqur me paraqitjet e tyre. Shpresoj të vazhdojnë kështu.
E bllokuat Kamzën nga krahët…
E vërtetë. Në ndeshje të tjera kemi luajtur me tjetër sistem, sot e nisëm me 4-3-3 në fillim. Krahët e Kamzës u neutralizuan. Në të dytën, shkuam në 4-3-2-1, dhe shfrytëzuam hapësirat e kundërshtarit.
