Ekipi i Panionios fitoi ditën e sotme në transfertë, 0-2 përballë Smyrnis, në ndeshjen e vlefshme për javën e pestë të Superligës greke. Dhe, të dy golat u shënuan nga talenti shiqiptar, Fiorin Durmishaj.
Nga një rrjetë për secilën pjesë, shërbeu që Panionios të marrë fitoren e parë këtë sezon, dhe të ngjitet në vendin e 11-të me 4 pikë. Në fillim, 21-vjeçari i Shpresave të Shqipërisë shënoi në minutën e 37-të, pasi u shërbye saktë nga e majta, dhe nuk fali shumë pranë portës.
Më pas, në pjesën e dytë, Durmishaj shtangu portierin, teksa shënoi me kokë pas një krosimi nga e djathta, duke siguruar kështu 3 pikët për ekipin e tij.
