Ish-futbollisti i Laçit, Myrto Uzuni ka gjetur golin e parë me fanellën e Lokomotivës së Zagrebit, ku u transferua në fundin e merkatos së verës.
23-vjeçari ka shënuar golin e dytë në fitoren 0-3 të Lokomotivës në transfertë kundër skuadrës së Goricës. Fillimisht, ishte shqiptari tjetër, Lirim Kastrati që i dha avantazhin skuadrës së tij, duke shënuar në minutën e 42′.
Goli i Uzunit u realizua në minutën e 70′, gol që i siguroi tri pikët skuadrës së Lokomotivës. Golin e tretë dhe të fundi të sfidës e shënoi Haliloviç dhe Lokomotiva e Zagbrebit mori tri pikët e radhës, duke u ngjitur në vend të dytë.
