Skuadra e Milanit po kërkon të ndryshojë diçka në organikën e ekipit gjatë merkatos së janarit. Kuqezinjtë janë hedhur në sulm duke kërkuar në ekip futbollistin e skuadrës gjermane të Borussia Monchengladbach, Thorgan Hazard.
Talenti belg i cili është vëllai i Eden Hazard të Chelseat, është një futbollist me një potencial të madh, por edhe transferimi nga kampionati gjerman drejt atij italian duket i vështirë.
Nga ana tjetër shumë emra të bujshëm, të ardhur gjatë merkatos së verës te klubi italian kanë rezultuar të gjitha një dështim.
Për këtë arsye te skuadra e Milanit e kanë gati largimin e parë nga ekipi dhe ai është Gustavo Gomez. Për mbrojtësin thuhet se është vetëm një hap larg nga Boca Juniors.
